دراسة عن التحلية

[ssl]

موضوع قيّـــــــم فعـــلا

في باريس يسمونه الشانزليزيه ,,

في مدريد يسمونه قران فيا ,,

في لندن يسمونه إكسفورد ,,

في برشلونة يسمونه لارمبلا ,,

أما عندنا فيسمونه التحلية ,,


طبعا من الصور ملاحظين الفرق بين شارع التحلية وباقي الشوارع ..
التحلية هذا حالة خاصة .. حالة تستحق الدراسة .. صدقوني لو تخصصي علم نفس كان قدمت رسالة دكتوراه عن هالشارع ..
وأضمن لكم إنهم بيعطوني الدكتوراه وهم مايشوفون الدرب .. ومع مرتبة الشرف بعد ..

التحلية مثل ماتعرفون شارع يرتاده شريحة كبيرة من الشباب السعودي ..
ولأهداف متعددة ومتباينة ..

في هالموضوع راح أحاول أصنف الأشكال إلي يكثر تواجدها بـ هالشارع ..
وأشرح عادات وتقاليد هالأصناف .. وماينبغي وما لاينبغي فعله في حال التعامل معهم ..

//

1- فئة النقا / وتس آب مان !!

2- فئة الحنس / آبك الغنم تشّـبع !

3- فئة الخكو / يمامي انمشخت ,,

من وجهة نظري المتواضعه أشوف إن هالثلاث فئات تعتبر أبرز ملامح هذا الشارع ..
لذلك راح أفصفص كل فئة على حدى .. وأترك باقي فئات الشباب إلي ترتاد هالشارع لكم ..
ببدأ بفئة النقا.

//

فئة النـقــا



وهم مجموعة مالهم أي هدف في الحياة .. همهم الأول والأخير تقليد زنوج أمريكا ..
يحاولون يقلدونهم في كل شي .. في اللبس في المشية في السلام في الكلام .. وطبعا في الأغاني إلي يسمعونها والرقص إلي يرقصونه ..

من الشخصيات المقدسه عندهم ..
فيفتي سنت


تو باك


سنوب دوق



هالفئة يكثر تواجدها في الساعات الأخيرة من الليل ..
وتلقاهم في العادة مسويين قروبات وموقفين عند رصيف ونازلين جنب السيارة يسولفون ..

بعض الأحيان يفلونها ويشغلون السماعات ويقعدون يرقصون عالرصيف ..
بس هذي في العادة ماتصير في التحلية .. ولافي الشوارع الرئيسية بسبب الكثافة الأمنية ..
يقال إنهم ياخذون راحتهم ورى التميمي إلي في الثلاثين .. بس ماقد شفتهم صراحه ولا يشرفني ..

طبعا سيارتهم تكون أما همر ثلاث ارباعه سماعات وعليه من ورى علم جاميكا .. < خوالي
أو تكون سيارة كشف وردية كـلاسيك .. أو آكورد هوندا معدل عليها إلــين أذنت ..
المهم إنها تكون سيارة مستنكرة الشكل مثل هذي ..



لمعرفة هذا الأشكال لازم تعرفون زيهم الرسمي ..
تلقون الواحد منهم لابس خيمه يقال له تي شيرت .. وموصلن لتحت الركبه ..

وطبعا لازم يصير عرض التي شيرت 30 متر ..
يعني يمديه إذا تأزم الوضع يدخل هو وخمس من ربعه في تي شيرت واحد ..
مثل إلي في الصورة ..



هذا طبعا غير كشك الاكسسوارات + تعليقات مفاتيح + كم درزن بكله أم مغاط + ربطة الشعر حقتهم .. زي إلي لابسها توباك ..


الشعر عندهم يخضع لثلاث حالات لا رابع لها ..

زيرو



وهذا أفضل السيئين ..

كدش



يحلفون إنه مشارك في أسبوع الشجرة ..

جدايل ويسمونها تضفيرة





يقولون إن أمريكا تفكر تستخدم هالجدايل كأسلاك شائكه لمعتقلاتها ..

<< تراني غطيت الوجيه حفاظا على الذوق العام

الحذر واجب في حالة الإحتكاك بـ هالأشكال .. لأن المخ قفل ومايعرف يتعامل إلا بيده ..
يعني على قولة تيمون / القري نص القدعنه


//

فئة الحنسات



الحنسات وما ادراك ما الحنسات
(او على قولة بيسو عيال عم ناصر
..
فئه من البشر يبي لها إقتلاع من الجذور ويمكن بعد تقشّع الارض اللي حواليها خوفا من انتشار العدوى النكراء!!

الحنسات مثل ماتعرفون مخلوقات خرجت من قلب الصحراء ..
مالحقت ع التطور وهالشغلات ..
لكن قدرت الظروف انه يجي يشتغل عسكري بالرياض ويسكن مع ولد عمه مناحي اللي بالنسيم ..

هـ الفئه عشان تميزها وتعرفها لازم تعرف مواصفات الهيئه .. مع اني اظن انك بتعرفها علطول علطول ..
ثوب مصفّر + ياقه ثنين متر + خنافس* + رقبه تلقا عليها شوية سهول ووديان من الاتربه والكثبان المتجمعه إثر عوامل التعريه ..

هالأشكال تسمع بالكشخه ولاتدري وشي .. إذا بغا يكشخ غرق الشماغ بالنشا إلين تحس إن الشماغ لو يطيح بينكسر ..
وطبعا لازم يلبس نظارة شمسية عشان يحس إنه متطور .. يوقف عند أقرب محطه ويطق له ذيك النظارة إلي ماحصلتش ..

يعني من ناحية اللبس والكشخه لاتدقق عليهم واجد ..
فإذا قدر الله عليك وشفت واحد منهم لابس تحت الثوب سروال رياضه لا تستغرب وسلك ومشّي مشّي والحياه حلوه ..


من الشخصيات المحبوبة عندهم ..
بشير حمد شنان



ويلقب بـ / بشير فنان الدشير

مزعل فرحان



وهذا أحلا مافيه إسمه


طبعا بنو حنيسه معروفين بشوفة النفس والنفخه الكذابه ..
ياويلي ويلااااااااااااه وأنا ولد فلان .. وأنا جدي فلان .. ويحلفون إن محد طق له خبر لاهو ولا أبوه ولاجده ..


ومعروفين أيضا بثقه النفس العمياء جدا .. يعني ممكن تشوف ذا الفره >>


* شفتوا كتل الشعر إلي طالعه من الأطرف .. هذي هي الخنافس

تلاحق ربايعنا اللي بالبانوراما ..
طبعا لا تلومهم .. والله يلوم اللي يلومهم خبرك هالشذرمه من البشر مصابه بمرض ( البنت خاقه علي ) ..

آحيان تلقاهم يفرفرون بكامري جي إكس إل .. وآحيان تلقاهم بشاص ..
طبعا صوت بشير شنان يلعلع بالأجواء .. وإن هاه حبو يغيرون حطوا مزعل فرحان ..

طبعا الفرفره في الغالب مالها أي هدف سوا التميلح عند البنات ..


//

فئة الخكو



خكو إختصار لكلمة خكري ..
والخكري هو الشخص الذي يفتقد جزء من رجولته .. وفي آحيان يفتقدها كلها ..


وهم في خكرنتهم طبقات ..
أهونها طبقة الخكارية إلي على خفيف ..



وهذي الفئة يمكن تقبلها ..
صح إنهم يجونك ناعمين شوي ويالله يالله تطلع الكلمة منهم ..
بس إنهم ينبلعون .. وهم أهون من غيرهم بكثير ..

طبعا لا تستغرب إذا لقيت واحد منهم حاط مكياج على خفيف .. أو حاط وحده من هالكريمات زي كريم فريند آند لفي مدري وش إسمه ..
يعني هذا شي طبيعي عنده .. عشان يحافظ على رونقه وجماله إسم الله على قليبه ..

أذكر أيام الثانويه كانوا معروفين إنهم قبل مايدخلون المدرسه لازم يشربون ميرندا فرواله ..
عشان تطلع شفايفهم ورديه ..حركات ابو شادي اول بالفيصليه كل صبحيه تشوفهم في البقالة إلي جنب المدرسه ومافي إلا قوة تشفيط من هالمرندا ..

يعني لا أشوف واحد يشفط من هالمرندا قبل الكلاس
هالفئة مستحيل إنك تشوفها في شارع التحليه إلا بعد الساعه 9 - 10 ..
يعني بعد مايتأكدون إن الشمس غابت تماما تماما .. ألزم ماعليهم بشراتهم إسم الله عليهم ..

[عنووون المها]

ههههههههههههههههههههههههه ههههههههههههههههههههههههه هههاي
وربي فااطسه زحك احلىآ شي الكدش كدش سعودي وهــ بس
يسلمووو من جد فله
لاعدمنااك ...

[ssl]

يسلموو على المرور

تحياتي,,,,,,,,,,,

[تركي المالكي]

هههههههههههههههههههه

الله يرجك
مشكور اخوي على الموضوع الرائع

تقبل مروري

[عـــاشـــق الـــجـــوري]

يا عيني على الدرس الرائع وشكرا على الموضوع تقبل مروري وشكرا

[ssl]

مشكورين على المرور

ـــــــــــــــــــــــــ ـــــــــــــــ

[نجمة الليل]

خخخخخخخخخخخخخخخخخخخ
مشكور اخوي على حهودك
وتقبل مروري

[ssl]

يسلموووووووووووووو

[شموخ عقالي]

ههههههههههه

كويس عطيتنى افكار عن النقى

و الخكر الله يعافيهم ولا يبتلينا <<ياكرهي لهم


والحنوووس يعععع



يعطك العافيه عالموضوع اللي يخقق

[لواننالم نفترق]

يسلمواااااااااااااااااااا ااااااااااااااااااا