{ خل نفترق تكفين .. و إحنا عزيزين }

[عنووون المها]

مدخل :

بـ إسم ثاني تناديني تقول المخطي لسانك ،
حسافه .. كيف ما قدّر " لسانك "قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !

خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملايين ؟
وشلون خنتيني على شان [ واحد ] !

الحين .. وش بعد الخيانه و بعدين ؟
شفتك معاه بعيني واللــه شاهد !

و مدام ( قلبك ) قادر يحب شخصين
ماهي غريبه .. لو تحبين { واااجد } !

تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !

مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،
وإلا شعوري من هـ الأبيات زاهد !

يالله ، فمان اللــه ما أبي تردين
إنتي { خطايا } والخطا منّي - وارد

إنسانه حلوه صح .. بس ، ما تحسين !
وطبيعي [ قلبي ] من - جروحك . يباعد ..

صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد " !

مخرج :

بعد لا تنطق بكلمه ولا تورّيني : [ برهانك ] ،
يا خوفي تغلط بـ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : أحمد ، إلى : مجنونك الثاني

لـ الشاعر : أحمد الصانع

[!! آسير النظرة !!]

مثلك يشوف الحُب لعبه وتخمين ،
ومثلي يحب ، وعنده الحُب خالد !
××××××××
رايح أنا .. ولا تسأليني على وين ..
منّي لك أقرَب صار " كوكب عطارد " !

&&&&&&&&&&&&&&&&&&&

اعجبتني كثيييييييييييير القصيده وخآإصه البيتين السآإبقه

سلِمت انآإملك اخت عنون

لكِ مني كل الاحترآإم

اخوك !! آسير !!

تحيتيـ،،،

[كلي غ ــرور]

والله كلماااإأتــ قووويه غاايه في الرووعه
تستاهل هياا محد قلها تخوون هههههههههههه
تحياتي لكي عنون
ننتضر جديدك

[عنووون المها]

اسير النظره كلي غرور

يسلمو على هيك طله يعطيكم الف عاافيه

لاعدم ...