خاطره كتبتها قبل شهرين تقريبا

[عاشق جووودي]

(أعضاء وزوار المنتدى اعذروني لو وجدتو خطأ إملائي لأني كتبتها من غير ما اعدلها او اراجعها وكتبتها بلهجتي العاميه خخخخخ )
كنت أظن فيه نآس بالحياه غير .. يمكن تغير شي واللي عشته ما راح اعيشه مره ثانيه ..
للاسف الناس كلها مثل بعض .. الناس تعرفها بالمواقف .. والحمد لله عرفت معدن الكثير ..
مدري ليه اتضايق وانا مفروض اكون مبسوط .. حلو تعرف الانسان اللي قدامك قبل لا توصل معاه لبعيد ..
الحمد لله على كل حال ..

يبقى شعور الوحده بداخلي .. صعب .. احس اني لحالي .. اذا فرحت مافيه احد يفرح عشاني ولا يشجعني .. يمكن اكون بنظرهم " يائس " ..
وبنفس الوقت اجلس نهاري أضحك وأحاول اضحك كل من حولي .. المشكله حتى الضحكه ماهي من قلبي ! ابغى اللي حولي يحسوا بالسعاده اللي انا ماشفتها
واروح سريري الليل .. اجلس ابكي .. أصعب شي تحس ماحد بالدنيا " يحس " فيـك .. حتى أهلك واصحابك وخلانك ..
الدنيا بكبر همومها ومشاكلها .. تبعد عنها تدور انسان يوقف جنبك .. كيف لو كان الانسان هذا هو احد همومك ؟ ..

تقابل بحياتك ناس .. يملؤا لك جزء كبير داخلك وبحياتك .. فجأه يتركوا كل شي .. هذا الوقت اللي تحس فيه بداخلك فرااغ كبير ..
تحس بالضياع .. حتى ما تدري يومك كيف يمشي ولا وش تسوي فيه .. ولا حياتك وش تسوي فيها .. بس تجلس لحالك تفكر كثير ..
هالفراغ اللي يتركوه الناس داخلك .. مين راح يملأ هالفراغ مره ثانيه ؟؟ حتى الدموع ما قدرت تملأه .. لانه فراغ كبير ..
وهذا دليل على مكانهم الكبير اللي كان بداخلنا .. مانقول غير الله يعين ..

تساؤلات كثيره واستفهامات كثيره تبحث عن اجوبه تعبت ادور لها اجابات ..
كنت أحس اني مقصر معاهم .. لكن الحين احس اني غلطان .. انا مقصر مع نفسي ..
مشكلتي ماتعلم من اخطائي .. كل مره اعطي لانسان مساحه كبيره داخلي ويخليني املأها بنفسي دموع ..
وارجع اعطي لغيره مساحه .. أعطيهم اعذار حتى نفسي ما تصدقها بس مضطر ..

بعد كل شي تحس ماعاد لك خاطر تفكر لا في مستقبل ولا ماضي ..
تحس تبغى تموت وتترك كل شي وراك .. هذي حياه خيوطها كثيره تشربكت عليك ..
ولا عرفت تحلها .. ولا لقيت انسان يساعدك بحلها .. تتمنى كل شي ينتهي وتنسحب انت بصمت ..
إحساس غريب ؟ تفكر في شي ما تعرف وش هو بالضبط .. لكن مقلقك .. متعبك !
شي غريب يخليك ماعاد تبي تعيش .. كل شي حولك ماعاد لك خاطر فيه ..
أمس يوم تبحث عن سعادتك .. اليوم ما تبي شي .. السعاده كلها تحسها ..
بانك تنتهي من كل شي .. هالبحر اللي كنت عايش فيه تلوث .. وتبي تتركه ..
والا انك تعيش حياه جديده .. وهذا صعب .. لان باقي كثير اشياء معلقه ..
ومستحيل تعيش حياه جديده معلقه بالماضي .. تعيش اسير بين الاثنين ..

تنادي وتصرخ بأعلى صوتك .. ماحد يسمعك ..
فجأه اللي بالامس يجلس يسمعك وينتظرك تكلمه .. اليوم مل منك ولا يبي يسمع شي منك ..
هالموقف كثير .. لا تصدق اي انسان يقولك انا احب اسمع مشاكلك .. الا قلييل مره ..
فيه ناس تسمع مشاكلك عشان تشيل عنك هم .. يريحوك شوي .. وناس تسمع لك وتبي تدور لك حل برضو يبوا يريحوك لكن طريقتهم غلط ..
وفيه ناس ما تبي تسمع لك تكتفي بقول " الحياه كذا " ..

هذا يكفي ذكريات ليوم واحد من الالم ؟
هاليوم اللي كتبت فيه .. عشته اسبوعين او ثلاث ..
الاسبوعين والثلاث حسيت بضياع .. كل شي مني يروح حتى اقرب الناس لي ..
تعودت على الوحده لكن كان دايم يبقى انسان جنبي يرفعني لا طحت .. هالمره كل انسان احسه ينتظرني اطيح ..
مالقيت اي انسان جنبي .. بكل بساطه خسرت كل شي ..
عرفت اني بالاول والاخير انا خسران .. لكن لا خسرت وطحت .. مابغى اكون سبب في ضيق انسان ثاني ..
اليوم انا عايش .. مدري بكرا او بعده ميت ..
اتمنى كل انسان غلطت عليه يسامحني .. اخاف بكرا لا جاء لي طاري يدعوا علي ..
بكرا انا كل ما احتاجه دعوه لي .. فيه كثير اتمنى ينسوني .. وناس اتمنى يذكروني بكل خير ..
ما اتمنى اني اكون ذكره سيئه بحياتهـم ..
عشنا حياتنا على أحلام وأمال .. تتحطم كثير .. او كلها ..
لكن الحلم اللي عشته اتمنى يستحق اني عشتـه .. وظليت عمري اتمناه ..

تعب قلبي .. وتعبت أكتب ..

[ليالي بيضاء]

يسعدني أول من يرد على الموضوع
كلمات في قمة الروعة أنتظر المزيد
تقبل مروري ليالي بيضاء

[عاشق جووودي]

شكرا على مرورك

[رمـ الحنان ـز]

كلمآت جميلهَ

يع ـطيك ربي الف ع ـآفيه

على مآقدمته لنآ

لك مودتيَ

[لبى قلبك..]

مدرري ايش اقوولك !!!!!!!!
بس ..
تأكدت اليووم اني مااني الوحدي اعااااني ..
بقوولك كلاام يمكن يريحك ..
انا مثلك تعوودت يكون حوولي شخص اعززه
واشكيله هموومي ,,
من فترره حسيت انه بدا يمل ويبعد
وصررت وحيييده من جديد .....
مشكلتي ..لاحبيت حبيت بجنوووووون
مشكلتي ..اضحي وما انتضر مقاابل
وفي النهااايه
ماالاقي الا خياانه..
واصحى على نفسي وحيـــــــــــــده
وماا يشااركني همي غير دمعتي ..

تقبل مروري ,,
لولو
انتضرر خااطره لك فيهاا تفاائل ..
كل الود{,,

[majno0onat lemo0o]

عــــــآآآشق


كلماااتك اثااارت مقلتي
واسكبت الدموع من عيني
واشعلت نارا قد اخمدتها الايااام


عـــــآآآشق

كلمــــآآآآتك حكت واااقعي
وتجسدت بعضا مما في قلبي
ووصفت الكثيييير من مما يحدث معي


عــــــآآآآشق


دمت لمن تحب ودااام قلمك ليصنع طريق التفـــــآآآئل على مد السنين لتنير لغيرك طريق التفــــآآآآئل هذا....



ودي ووردي

[جرحك ذبحني]

سلمـــــت يمناك ..
ابـــدعتي وعانقــتي الجمال ..
حروف خطـــت بماء الذهـــب ..
بيض الله وجهـــك ..
دمـــتي بحفظ المولــى ..

[هايدي الصغيرة]

صراحة كلمات رووووووووعه وانا تعجبني الخواطر بس صراحة من دون مجاملة ولا مبالغه بس صراحة اول واحلى مررره اقرأ خواطر رووووووووعه كذا وانا اقرأ خواطر بس هاذي غييير اتمنى تقبلي مروري تحياتي

[عاشق جووودي]

لبى قلبك.. ليالي بيضاء رمـ الحنان ـز جرحك ذبحني
هايدي الصغيرة

majno0onat lemo0o
مشكورين على التعليقات االرائعه وانشاء الله انا متفائل بمستقبل حلو طول ما جودي معايا ربي يخليكم للناس الي تحبوهم ويحبوكم