اشهر الكلمات السعوديه المضحكه (( مصطلحات عرابجه ))

[دمعة أميره]

هلا وغلا


هذي اشهر الكلمات السعوديه المضحكه اللي مرت علي منذ ولادتي وانا اسمعها وما
كنت افهمها وحبيت ادرسها واخذ الدكتوراه فيها واوصلها للناس بمفهوم مبسط
ههههههههههههههه



الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : ذلك راجع إلى تهريب الهواء من رأسه و السبب في ذلك هو أن في رأسه فتق
لذلك تلقاه دايم يغطس رأسه في سطل موية عشان يعرف من وين التنسيم .


المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد
أهله الرجاء منه ...

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !


مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره
و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه
عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت
وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما يمشي
إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه
في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه
على فوق و كانك ولد أبوك
تكلم معه


الكحلي : يطلق مسمى الكحلي على ذوي البشرة السمراء ..........................................

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون
ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث
يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق
أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت
معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه
لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على
من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي
خرب أخلاقه لكن في الأردن الشقيق كلمه دشره تعني أتركه..


الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول
تلف و تدور معه تراه فاهم و عارف وش تبي بالضبط فلا تتعب نفسك . >>>>> ههههههههههههه ملكع يمه منك هذا انت خخخخخخخخخخخ

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة
سعة صدر و هبال ...
(هذا يطلق علي)خخخخخخخخ


المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع
الإهمال و التطنيش....

الخكري : ببساطة الخكري = نعومة + دلع + ليونة والله لايبلانا...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه
تركب في السياره تلقاه يطق القزازه وهكذا .....

.م. ن. ق. و. ل.

[غـلآآوي ..]

ههههههههههههههههه

يعطيج اللــه الـــف عــآفيــه

[إحساس طفلهـ]

ههههههههههههههههههههههههه اااي
جبتيها والله كل المصطلحاات عارفة معنااها ماتحتاج مترررجم
تسلمي ع الطرح
لاهنتي

[رومنسية بس منسية]

يسلموووووووووووووووووو يالغلا على الطرح المميز
واللة يعطيكي الف عافية

[مسافرمكانه]

يعطيكي الف الف عافيه
مصطلحات ولا أروع
بس كأنك نقصتي شيء من العربجي
وهو مايمش إلا و عصير الديو في يده
ولازم السكينه في جيبه ويطلق على
السكينه عند العربجي بــ(الشبريه)
معليش على الإطاله\
في إنتظار إبداعاتك
لا عدمناك يالغلا

[فريو]

بصرااااااحه روعــــــــــــــــــه
فيه مصطلحات اول مره اعرفها
شكرا على الايضاح

[I love my life]

[قمر على هيئة بشر]

ههههههههههههههههههههه
يسلمووووووووو ع المسطلحات

[خجوله]

ههههههههههههههههههههههههه هههه

يعطيك العافيه يالغلا ..