أكـبر جحدة شهدها العالم العربي والأسلامي والعالمي ...

[كبرياء أنثى]

السلام أجمعين وبركاتوهـ عليكم
أن شالله
<< يبي يقووول السلام عليكم ورحمة الله وبركاته لكن ملخبط من الحشيش

صباح / مساء / ظهر / عصر / مغرب / عشاء / آخر الليل / صباح بدري
الزبدة سويت لكم موضوع

هــآهـ
بشرووني عنكم أنشالله راسبين كلكم
<< ساقط ويبي الناس كلها تسقط مثله

تصدقووون اني ألحين أسمع اغنية الوسمي ( حـيــــوهـ )
ومن الأندماج فاتح باب الحوووش أقوول
( تفضلو حياكم الله تفضلو زارتنا البركة يامرحبمبم )
وأبوي أنخم قام ولبس ثوبه يحسب جآء ضيوووف
ألا وأبوي جاء عندي قال وين الضيوووف
قلت : هــــآهـ << توني تذكرت أني اسمع اغنية وسرحت
كآن الوالد يلقطني بأذني واحلى شوووته برجلينه كلها
ألا وأني متعلق في برج موبايلي واللمبة الحمراء تولع فوق راسي
<< بس تبوون الصراحة أول مرة أشووف وآحد يشووت برجلينه الثنتين في نفس الوقت ,,,,,!!

وش رايكم بالمقدمة
لآ باقي بعدها الفهرس والعناوين وتمارين آخر الفصل
<< متأثر بكتاب القواعد

خلوني أنقنط عليكم بنقاط قبل أبدأ الموضوع ::
1- اللي معه قرحة لآيقرأ الموضوع
2- واللي يقرب لواحد معه قرحة برضوهـ لآيقرأ الموضوع
3- والله أصلن مو مريض لآيقرأ الموضوع
4- أما اللي خشمه مزكم فهذا الموضوع مفيد له
5- أول خمسة أعضاء رآح أقيمهم كالعادة
6- شخصيات في الموضوع ( منآحي + برجس ) << أصحابي
7- الأيقونات جايبها من منتدى آخر

نبدأ بالموضوع >>من تحشيشي ولو سمحتوآ يآأعضاء المنتديات
اللي بيأخذ الموضوع يكتب منقول مو ينسبه لنفسه أوكيــه ....؟؟

ومآزال التحدي بين حسو ومناحي على البلايستيشن
ومناحي ماسك اليد ومنطلق بهنري ودايرتين ومربع لأيتو
قوووووووووووووووووووول
<< أبو الخرشات العرض

والله ويأذن الأذان وتجي الوالدة ماصدقت
وهي تفصل اللعبة على طول مافي تفاهم
المهم قمنا نصلي المغرب ومناحي حاط مسواك في فمه
ومعه سبحه لكن مسكت معه غلط ولبس الثوب مقلوب
يعني اللي يجي ورآهـ يشوف ( الشياكة L )

وأذا بغى يآخذ فلوس من جيبه دخل يده من تحت الثوب

المهم بعد مآطلعنا ألا وجوالي يدق
أنا : هلا والله ببرجس هلا 999 ريال ألا خمسة
برجس : أقووول أترك الهياط عنك وقلي وينك
أنا : والله في مكة أفر من الطفش ليش وينك أنت
برجس : أنا في الطايف ألحقنا والله فله
أنا : أهـا وأنا أقووول جوالي وش فيه طلع منه هواء بارد أثاريك في عروس المصايف

<< حتى شماغي طاح من قوة الهواء

برجس : تبي تلحقنا وألا لأ
أنا : أيـه أيـه جايكم بس وش عشاكم
برجس : أهـب في وجهه أنت مآهمك الا بطنك
أنا : أجل بجي عشان خشتك لآ والله بعبي بطني وأضرب الخط
المهم ترا الميزانية طايحة يعني لو القطة أكثر من 50 ريال أغسل يدك مني مو جاي
برجس : لآ لآ تعال القطة من 30 ريال بس تعال

وأسكر المكالمة

مناحي : حسو بروح معك
أنا : لآ مآأخذ وراعين
مناحي : أقول تخليني أروح معك وألا أعلم عليك جدتي أقول حسو سرق من شنطتك 500 ريال ...!!
أنا : هـــآآهـ لآ لآ لآ يآخوي أنت وش فيك تصدق على طول أنا أمزح معك وألا بآخذك معي

<< والله من الحشرة

والله ونمسك خط الطآآآيف
وررررررررررررررب لين مآوقفنا ألا عند الشباب
وننزل وحب خشوووم وهات خدك

فيه وآحد لمن شافني سلم علي
وأعطيه خدي الأيمن
وأعطيه خدي الأيسر
ولمن بغيت أتجآوزه
ألا وهو مآد خده من جديد
وأعطيه خدي الأيسر مرة ثانية
ومآتسمعون ألا صوت موآآح موآآح << صوت البوسه
ألا وهو مآد خده لسى
وأعطيه خدي الأيسر مرة ثالثة
ومرة رابعة
ومرة خامسة
وآخر شي طفشت منه

وأصفقه كف وأتركه

والله وأجلس ويجلس مناحي جنبي
وكيف حالكم وعساكم طيبين وكيف الشايب
وكل وآحد يسأل الثاني أنت وش مسوي

اللي يقول أنا موظف في أرامكو <<

وهو موظف في شركة بن لآدن ورآتبه 1500

واللي يقول أنا صاحب شركة هاتريك << وهو جندي منتف عليه 550 ملاحظة
ولما قالو لمناحي وأنت وش عملك
مناحي : آآآآآآآآآآ والله أنا صاحب مطعم البيك
وبنشر السليمانية ودجاج فقيه ومركز العربية للعود
وترآهم في مكة يلقبوني ( بلوي ) مكة
ومآخلص كلامه ألا وأنا قارصه في خشمه
( الكذب ليه الكذب ليه هآآآآهـ )
مناحي : حسوو حسوو خلاص والله لأقووولهم الصدق بس فكني
ويقوولهم وظيفته الحقيقية اللي هي سنترال في شقق مفروشه وراتبه 1200

والله وهاتكم سواليف وسالفة ورا سالفة
وآخر شي قال برجس أنا عندي قصيدة
قلنا عطنا قصيدتك يآالبحتري

برجس : أحــم أحــم جاري تحميل الحبال الصوتية

3
2
1

عنزتي ياعنزتي أحذري من كل تيس
والحذر كل الحذر من رديين التيوس
لو يجونك بالغلط فزي فزت مرسيديس
وأضحكي يآعنزتي لآيجي وجهك عبوس
وان شعرتي بالخطر وألا أشتد الوطيس
وقفي وقفت أسد قولي من يقدر يبوس
قولي لتيوس الردا الخساسة للخسيس
والله اللي يقترب لأقطعه تقطيع موس
عنزتي ماسافرت في محطة اوتوبيس
غالية وأن سافرت بالجيوب وبالجموس
وان مشت في كبرياء مشيت الحاكم لويس
وان مشت بين الغنم كلهم صاروآ جلوس
عنزتي ماتشتهي بالشعير وفك كيس
نفسها عند الأكل ماتشابه بالنفوس
ماتبي الا شباتي معه خبز وتميس
فوق سمسم(ن) مسمسم وتوهـ محموووس
البطاطس والتطلي تآكله عصر الخميس
ونسكافيه مع الحليب يقدم لها بالكؤوس
عنزتي ياعنزتي هيه يالدر النفيس
غالية ياعنزتي مانبيعك بالفلوس .....!!

ويوم خلص القصيدة وأطالع ورآي
ألا وغنم حارتنا ترقص وكل وحدة معها مشعاب

<< مع أني للحين مدري وش جاب الغنم للطايف

يـتـبـع ....

[كبرياء أنثى]

المهم لمن ألتفت أدور مناحي
ألا والله أنه مختفي
وأروووح أدورهـ منا ومنا لكن مرة مالقيته
وأخر شي لمن جيت وهو ماسك تكروني بأذنه
ويقوووله أنت لبناني
التكروني : وش تقول هالشكل شكل لبناني
منآحي : يآخي ألحين أسألك أنت لبناني وألا لأ
التكروني : يآخي أنت دلخ ألحين كل هالسواد وتقوولي لبناني..!!
منآحي : يآخي وش فيها يمكن لبناني محترق
التكروني : لآحوووولي والله أنك موسوس
منآحي : أقوووول ماجاوبتني أنت لبناني وألا لأ
التكروني : يوووووهـ أيه خلاص أنا لبناني شو بدك أبن عمي
منآحي : يآسبحان الله مع العلم أنك شكله يقول أنك تكروني ....؟

ويعصب التكروووني ويشد شعره ويصارخ وينحاش
<< لحوووولي مناحي متأثر من فلم فايز المالكي الأخير



وأنا اللي أخم منآحي وأشوووت فيه
أنا : مناحي وين أختفيت الله يرجك
مناحي : يآخي أزعجني هالتكروني يقول أنه لبناني وأنا مادخلت راسي


ونرجع للعيال ونجلس
ويوم جات الساعة 11 قالوآ يالله نبي عشى من يروح يجيب عشى
والله وأنقز أنا وأخذ فلوووسهم
ويخاويني مناحي
ولمن نصفنا الطريق ومناحي يدق على برجس
برجس : هلا منوووحتي
مناحي : أقووول برجس من فين تبغون العشى
برجس : من المشويات التركية
مناحي : وينه ذا ؟؟؟؟
برجس : ثالث لفه على يمينك تحصله
مناحي : اللي جنب فندق مرديان
برجس : أيوووووهـ عليك نووور
مناحي : عليك حمد المنتشري ....!!
ويقفل في وجهه



ولمن أخذنا العشى وأنا أشوووف الشيطان جالس ورآ
ويغمز لي بعيووونه ويأشر لي بيده ويصفر
وأنا اللي أكلمه بكلام مآيسمعه مناحي
الشيطان : ألحين أنت ثووور ...! << طارح الميانة أبو شطة
أنا : لآ والله بقرة بس ليش
الشيطآن : يآدلخ ألحين ليش ماتآخذ العشى وتروح أنت ومناحي في مكان وتتعشون لحالكم
أنا : والعيال نجحدهم
الشيطان : أجحدوآ أبو أبو اللي خلفهم وش عليكم منهم
أنا : لآ لآ لآ صعبة فيها علوم قبايل ذي
الشيطان : يآثووور .. أذا صار شي قوول أنكم صدمتوآ ونقولكم للمستشفى
أنا : هـــــآآهـ << دخلت الفكرة في راسي
الشيطان : مرررة معليك التصريفة جاهزة بس قول لخويك البقرة ذا


ومع كل هالسوالف اللي بيني وبين الشيطان ومناحي حاط أصبعه
في خشمه وداخل جو وكأن وجهه أحمر مو معنا أبد


وأنا اللي ألتفت على مناحي أبغى أناديه
ألا وكلنا سوا نادينا بعض
مناحي : هــــآهـ وش تبي
انا : لآ أنت وش تبي
مناحي : لآ والله أنت اللي وش تبي
أنا : والله أني منحرج منك
لكن عندي فكرة وأنشالله ماتفهمني غلط
منآحي : لآ مآراح أفهمك غلط بس قوول

أنا : وش رايك نجحد العيال ونروح نتعشى لحالنا << أقولها وأنا مغمض عيوني

منآحي : ههههههههههههههههههههههههه
ههههههههههههههههههههههه
ههههههههههههههههههههه


أنا : وش فيك تضحك قلت شي يضحك أنا


منآحي ماسك بطنه : ههههههههههههههههههههه
ههههههههههههههههههههه
ههههههههههههههههههههه


أنا : مناحي وش فيك يآمال العلة هلوست بي وش فيك تضحك


مناحي فاطس ضحك : ههههههههههههههههه
هههههههههههههههههههه
ههههههههههههههههههههههههه ههههه


والله وأوقف السيارة وأرفسه في بطنه
أنا : وش فيك تضحك أنت لعنبو أبليسك طلعت في رآسي نخل


مناحي وهو يالله يتكلم : هههههههه سبحان الله فكرتك نفس فكرة شيطاني ....!!
وأنا اللي أكرها ضحك
طلعو شياطينا كلها تفكر نفس بعض


أنا : أجل مادام مهدوآ لنا الشياطين هالفكرة يله حديقة العنود خلنا نضرب العشى فيها
مناحي : قدآم ألعن أبو صدام
أنا : يله قفل جوالك وأنا بقفل جوالي عشان مآنرد على العيال


وأطالع ورآي ألا وشياطينا ترقص فرحانه


والله ووصلنا حديقة العنود ولمن سفطت السيارة ونزلت
ألا وشيطاني نآزل ومعه كيس العشى ومدرعم على الحديقة
وأنا اللي أخمه برقبته وأقووله : نعم نعم نعم وين رآيح يآبو الشباب
شيطاني : وش تقووول أنت ووجهك اللي كنه وجه بـومـه تمشط شعرها
<< أخس والله يعرف يطقطق
أنا : أقووول وين رآيح يآقوطي الصلصل ليش ماتنثبر بالسيارة لين نجيك
شيطاني : أووووخص يعني حنا نفكر ونخطط لكم وأنتم ألحين ماتبوننا نتعشى معكم
لآ ومليوون لآ والله لو مآخليتونآ نتعشى معكم أني لأفشخه وأنحاش
<< أول مرة أشوووف شيطان يحلف ....!!
انا : لآ لآ أيش اللي تفشخه وتنحاش أنا أمزح معك


والله ونرووح نفرش الفرشة
أنا ومناحي وشياطيننا الأثنين
ونضرب من العشى نضرب من العشى نضرب من العشى
لين أذن كل واحد منا صفرت



وبعد ماتعشينا وأحنا نغسل يديننا
ونشغل السيارة وعلى مكة
وررررررررررررررررب
لين وصلنا مكة الساعة 2 بالليل
ولمن فتحت جوالي ألا
مكالمة لم يرد عليها 1200 مرة
برجس 900 مرة
رقم غريب 300 مرة
والله وأدق على الرقم الغريب
أنا : الووو السلام عليكم
....... : هلا والله بالثوووور
<< اموووت واعرف وش عرفه أني ثور
أنا : من معي لو سمحت
....... : أنا شيطان برجس يآبقرة
هين والله أن مآمسكت شيطانك ولعنت سابع جده مآكووون انا شيطان برجس
أنا : أي والله تكفى شد حيلك فيه
والله أني قلت له ترا صعبة نجحد العيال
بس وش أسوي شيطاني قالي يآتجحدهم يآأقلب السيارة عليك
وأنا أتكلم وشيطاني يصفق فيني كفوف


وتقابست بين شيطاني وشيطان برجس وشيطان مناحي
وللآن مدري وش صار بينهم


طبعا دقيت على برجس وأعتذرت منه
ورحت أشتريت له 2 ببسي ووآحد شاورما وأعطيتها له هدية
<< قصدي 2 شاورما وواحد ببسي

<< مو تآخذينها يآأم عيووون وتحطينها في الرادار

Tha and




@@@@@@@@@@@@@@@@@@@@



نكتة اليوم



نملة ماسكة رآسها وزعلانه ليش ....؟؟
7
7
7
7
7
7
7
7
7
7
7
ضيعت بلنتي
ههههههههههههههههههههههههه ههههههههه


بلنتي = ضربة جزاء



@@@@@@@@@@@@@@@@@@@@



ومضة اليوم


الوقت كالحمار أن لم تركبه ركبك ....!!





هذا والله الهاديء ألى سواء السبيل

[قمـرر]

خخخخخخخخخخخخخخخخخخخخخخ
الموؤوضووع مره حلو
تسلم
خصيصا النكت