إشاعات قلناها وصدقناها ولكن في الأخير عرفنا حقيقتهاو معناها

[ضناني الشوق]

بسم الله الرحمن الرحيم
السلام عليكم ورحمة الله وبركااته
كيف الحال جميعا ... ان شاء الله بخير

اليوم جايب لكم موضوع { نقاش & اجتماعي } ... كان ودي انزله من فترة ... بس ظروف العمل وضيق الوقت ما سمحت

الموضوع شكله غامض من اسمه ... بس سهل اذا عرفتوه <<< صح يا معقدهم

## اشاعات :: قلناها وصدقناها ... لكن في الاخير عرفنا حقيقتها و معناها ##

وانا اقصد بالكلام هذا ... الاحداث اللي مرت علينا سواءا كنا صغار ولا كبار
ولا عرفنا حقيقتها ... وصرنا نصرف لها معاني من رؤسنا ونصدقها
والادهى .. كنا ننشرها بينا ... ونخلي غيرنا يصدقها بعد

والاشاعات هاذي يمكن تكون ::
محدودة بين اشخاص ... او في ديرة - وهي اكثر شي - ... او على مستوى البلد

واسباب انتشار هاذي الاشاعات ::
البساطة اللي كنا نعيشها الى وقت غير بعيد
وقلة مصادر المعلومات لمعرفة الحقيقة او التاكد منها

من كان يذكر الكومبيوتر اول ما جا ... كان الوورد احسن برنامج ... خاصة اذا حطيت الخط اندلسي ... من قدك
ويوم جا النت ... صرنا مانفكه ابد ... مع ان السرعة لك عليها ... بس عن قولت متطور وراعي نت
888888888888888888888888888888888888888
شطحة برا الموضوع ... بس ان شاء الله ما اتعودها

وانا راح ابدا ببعض هاذي الاشاعات ... اللي كانت منتشرة عندنا بالديرة <<< بدون ذكر اسماء

================================================== ============

الطيارات تفرغ هواء !!!!!!!!!!!!!!!!

في يوم من الايام الجميلة في ديرتي العزيزة ... ونحن منهمكون في الدرس مع المعلم <<< تراك ما تخمد في الحصص
الا ونسمع دوي انفجار رهيب ... هز اركان المدرسة المتهالكة في الاصل
88888888888888888888888
تعبت وانا اكتب فصحى ... بحول الموجة ... عشان اعيش الجو صح

الا كل واحد يحط عينه على الباب ... وهيا النحشة يا بطل
عاد حنا لو تطيح تمرة من نخلة فركنا من المدرسة ... ماتبينا ننحاش الحين

بس كنا ما ندري وش كان الانفجار ... ولا اسبابه
وفي نفس اليوم بعد الظهر جا انفجار ثاني نفس الاول واقوى ... وكان وقتها اذكر امريكا تلمح لحرب افغانستان
وكنت انا طايح في السياسة ذيك الايام ... وينزلك احلى فلم
قلت شكل امريكا تلعب علينا وتبي تقرب بس وتطب علينا ... وهاذي هي جت الحين

بلعت ام العافية وقتها ... وخشيت جو صح ... صرت اناظر في السماء ... ادور قنابل ثانية بتطيح ولا شي
اهل الديرة ذاك اليوم ما ناموا الظهر ... وكان الانفجار سبب انهم كلهم يصلون العصر مع جماعة المسجد

الديرة شافوا كم طيارة حربية وقت الانفجار ... وهنا جت الاشاعة
قالوا ان الطيارات تفرغ هواء زي كذا ... حنا صدقنا ... وليش لا !!!!!
كان تفكيرنا وقتها ان الطياراة زيها زي اي خلاطة اسمنت
اذا خلصت من صبة ... وقفت في اقرب براحة <<< ارض فضاء
ونزلت باقي الاسمنت اللي معها ... وكملت طريقها
وزيها الطيارة نزلت الهواء اللي طايره فيه .. وتبي تكمل طريقها

وشاء الله بعد سنين ان يكون أحد أصحابي طيار وسألته
وعلمني سبب الانفجار اللي صار وروعنا
وهو ان الطيارات كانت مخترقة حاجز الصوت ... وصادف مرورها فوق الديرة
وسببت الانفجار الللي صار وسمعناه ... وكنت انا سبب اني انشر حقيقته للي اعرفهم في الديرة <<< صح يابطل

>>> للامانة .. قصة المدرسة الاولى قالها لي خويي
ما ادري كيف ما حسينا فيها في مدرستنا ... مع انا في نفس الديرة
يمكن عشان مدرستنا ضد الزلازل ومعزول الصوت فيها <<< ايه هين بس

================================================== =======

صاروخ الارصاد الجوية !!!!!!!!!!

وبعد في يوم من ايام الديرة الجميلة <<< اللي يشوفك يقول متكي في ضواحي فرنسا
كنا نتامل في السماء ... وكانت هوايتنا وقتها <<< تراكم ما تنتظرون خويكم اللي طب في بيت الجيران يجيب الكورة


كنا نشوف شي زي الدخان يمشي في السماء ... بس ماندري وش كان
كأنه شي يمشي ووراه دخان ... وهنا جا الابداع والتفنن في الصرف

قال لنا واحد ان هذا صاروخ للارصاد الجوية يرسلونه في السماء عشان يعلمونا حالة الطقس في الاخبار
وان الدخان الظاهر عشان يشوفون وين محله ... زيكم عارفين يضيع ولا شي ... ماله داعي

وكانت الاشاعة مو بس في الديرة ... كنت اسمعها في كذا مكان

ولله الحمد أن خويي دخل الطيران

وعرفت سبب الدخان اللي كنا نشوفه
وهو وجود ارتفاع معين ... اذا طارت فيه الطيارات ... يتكثف الهواء اللي طالع من محركاتها ... ويسبب الدخان اللي كنا نشوفه

بس هذا ما علمت احد عنه ... لانه ما صارت تمر طيارات فوق الديرة
فاتتني ... ولا ودي اكمل بطولتي عند اخوياي

================================================== =====

اكيد الحين عرفتوا الموضوع وما فيه ... وانا سمعت من اخوياي اللي برا الديرة بعض القصص
واكيد انتوا مرت عليكم بعض الاشاعات ... والحين نبيكم تذكرون لنا بعض القصص

وترا الدعوة فلة ووناسة ... وفي نفس الوقت نتذكر الايام الخوالي اللي مرينا بها
لا تحرمونا من اشاعاتكم وتفاعلكم ... او على الاقل ردودكم
ومو لازم تطولون القصة اذا ما ودكم ... عطونا رؤوس اقلام


آآآآآآآآآآآآآآآآآسف على الطالة ... بس تراه كله حــــ ـــــب فيكم <<< خلاص بيردون .. بيردون

[ترانيم الدلوعه]

مشكور اخوي ضناني الشوق ع الموضوع لحلو
بس انا ما اتذكر اشاعات يمكن صار وانا ما ادري

[قلبي مملكه وحبيبي يملكه]

مشكوووووووووووووووووووور ضناني عالموضوع
واقوى اشاعه لما كنت بثاني متوسط طلع اشاعه
انو فيه سفاح عندنا يخطف البنات وقت طلعتهم من المدرسه
ياحنا عشنا ايام رعب اعوذ بالله بس
تصدق احس ديرتنا قريبه من ديرتكم نفس الشطحاااات .,,,
::::::

[barbar]

ههههههههههههههههههههه
ياكتر اللاشاعات اللي كونا نسمعها
واحنا صغار
بس يله هيا كدا سنه الحياه
لانو انا دحين بطلع اشاعااات وافتاءات كتير
على اولاد اخواتي
خخخخخخخخخخخخ
اكبر اشاعه عشتها في حياتي
وكانت
مرعبه
جدا
ايميها لمن قالو انو في ((نم نم)) في المدينه
((نم نم)) كونا نتخيله شي كبير يشبه النمله ويااااااااكول النااااااااااااس
وعاد شوف التاليف على بعض
امممممم
احوس حكايتي بايخه
بس حبووووه محد شارك في الموضوع
حبيت اشارك(^ن^)